Preparándonos para o 25N

-


Todos os anos facemos visíbel desde o noso centro a data do 25 de novembro. Non porque o resto do ano nos esquezamos da problemática que viven millóns de mulleres en todo o mundo, senón porque pensamos que é bo aproveitar calquera momento para visibilizar e concienciarnos sobre este problema que nos afecta directamente como sociedade.

É por isto que xa estamos a preparar a actividade que realizaremos no centro este vindeiro mércores. Deixámosvos aquí a ligazón ás músicas, onde está a orixinal de El Diluvi e a tradución ao galego de Sés, para que a vaiades preparando. E tamén a letra! para que a teñades máis a man ;)

E aproveitamos para preguntarvos: Sabedes por que o día 25 de novembro é o día no que reivindicamos o fin da violencia machista? Pois ben, no ano 1981 o "I Encontro Feminista de Lationamérica e o Caribe" decidiu esta data como conmemoración do brutal asasinato de tres activistas dominicanas chamadas Patricia, Minerva e María Teresa Mirabal, o 25 de novembro de 1960 baixo a ditadura da República Dominicana, da man de Rafael Trujillo Molina.

CONTRA AS VIOLENCIAS, EDUCACIÓN!





Publicacións populares deste blog

Un mes cheo de letras

-
Imaxe
Aquí estamos de novo para compartir convosco o que vos tiñamos prometido! En primeiro lugar, o alumnado de 4º ESO estivo traballando arreo arredor da figura de Carvalho Calero, homenaxeado este ano. Velaquí as achegas de Cristina Senín Rojo (4º B), Fátima Gómez Louro (4º A) e Lúa Aragunde Abraldes (4º A). Ricardo Carvalho Calero. Unha pequena biografía. Ricardo Carvalho Calero, a quen se lle dedican as Letras Galegas 2020, naceu en Ferrol o 30 de outubro do 1910 e faleceu en Santiago o 25 de marzo do 1990. Foi un escritor e filólogo galego licenciado en dereito e en filosofía pola universidade de Santiago de Compostela e Doutor pola universidade de Madrid. Á parte de pertencer  á Real Academia Galega durante algúns anos, foi tamén membro da Academia das Ciencias de Lisboa e membro de honra da Associaçom Galega da Lingua. E non só, xa que tamén foi membro do Seminario de Estudos Galegos e do Partido Galeguista. Durante os seus anos dedicados á literatura escribiu dende po
Ler máis

Concurso "IV Chíos con amor"

-
Imaxe
 Pois si, acabou o 1º trimestre moi rápido e agora que xa estamos acabando xaneiro, convocamos unha nova edición do noso concurso Chíos con amor , con dúas categorías (unha para 5º e 6º de Primaria e outra para 1º e 2º da ESO). Deixámosvos por aquí as bases para que lles poidades ir botando un ollo, mais lembrade que tendes até o 9 de febreiro para ir enviándonos ao noso email (edlgafonsovii@gmail.com) os vosos chíos, que non poderán conter máis de 280 caracteres. Veña! Animádevos e lembrade: A partir da C andeloria, ningunha ave voa soa! 🐦🐦
Ler máis

Preparando a I Festa da Linghua: Videomontaxe de fotografías

-
Imaxe
 Ola a todas e a todos! Este ano a COVID non nos vai deixar celebrar a Festa da Lingua que viñamos festexando todos este anos baixo a coordinación do "EDLG Terras do Umia". Mais iso non nos vai impedir facer unha pequena festa. A nosa festa.  Así que xa estamos a preparar todo para que, baixo o cumprimento dos protocolos da COVID, poidamos realizar unha festa segura e divertida. A I Festa da Linghua do noso centro.  Teremos unha xornada con actividades arredor da lingua que tamén servirán como homenaxe á poeta Xela Arias, a quen se lle dedican as Letras 2021. Estade atentas e atentos que xa estamos preparando todo desde todos os niveis de infantil, primaria e secundaria! E velaí a primeira información que enviamos para toda a comunidade educativa do centro! Tomade nota e participade! Estimados membros da comunidade educativa do CPI Afonso VII, poñémonos en contacto con vós co fin de solicitar a vosa colaboración na elaboración da videomontaxe “Unha vez, cun ratiño fun unive
Ler máis