Palabras polo Umia

 Ola a todas e a todos! Volvemos estar activos neste novo curso académico 2023/2024! e para iso comezamos achegándovos as primeiras informacións! Temos unha nova cortiza , xusto en fronte da Biblioteca, onde colgaremos e poremos todas aquelas informacións relacionadas coa nosa lingua. Ide ver a ver se hai algo interesante para vós! E ademais traémosvos un  concurso  acabado de saír do forno: Aproveitando que xa está aí o Samaín ou Defuntos, desde a EDLG queremos que vos fotografedes lendo un libro de medo. Mais, ollo! a fotografía ten que ser terrorífica ! Participade e gañade un agasallo sorpresa! Tendes até o 3 de novembro para enviala ao noso email ( edlgafonsovii@gmail.com ). Bulide!! uuuuhhhhhh!!!!

O venres pasado volveu ao noso centro a nosa Sara para lembrarnos como era isto da regueifa . Pasamos dúas horas estupendas e tamén serviu para recuperar a emoción de regueifar e ata para renovar as ganas de preparar "unha boa" para a II Festa da Linghua. Sara Marchena , moitas grazas por visitarnos!

O pasado 23 de febreiro celebramos o día de Rosalía coa participación de todo o centro. Como plantamos pensamentos, recitamos, montamos unha exposición con versos do alumnado,...e case todo ao aire libre, saío o sol para facilitarnos a homenaxe. Por aquí deixamos algunhas imaxes que resumen o día.                           Plantamos pensamentos de diversos tipos. Que as nosas palabras medren na terra!   A cativada do cole tamén fixo moitas cousas ben interesantes:

Temos gañadoras do Concurso de Chíos!! Agradecementos para toda a xente que participou na celebración da Candeloria, porque coas vosas mensaxes enchemos o centro de cor. Agora o amor está no aire e nas vosas cartolinas.  Parabéns!