Certame a[R]itmar Galiza e Portugal 2021

-

 A EOI de Santiago de Compostela leva organizando desde o ano 2016 un certame que ten por obxectivo a divulgación da música e a poesía galego-portuguesa actuais, e así poder achegármonos á cultura e á lingua dos dous países, no marco do desenvolvemento da Lei Valentín Paz-Andrade para o aproveitamento do ensino do portugués e os vínculos coa lusofonía.


 

 Agora está aberto o prazo para as votacións en liña da mellor canción galega e portuguesa do ano 2020. Tendes até o 20 de marzo e todas as persoas participantes, entrarán no sorteo dun lote de libros e CD's! 

Logo dunha primeira fase na que o xurado seleccionou os dez mellores temas en galego e os dez mellores temas en portugués, xa coñecemos as músicas e artistas nomeados nesta edición. Aquí os están:

Por Galiza resultaron finalistas: Baiuca, Guadi Galego, Mercedes Peón & Strecherensemble der Augsburger Phillarmoniker, MJ Pérez, Néboa, Os d'Abaixo, Pauliña, Ukestra do Medio, Uxía & Sérgio Tannus e Xoana.

E por Portugal: Ana Bacalhau, Bárbara Tinoco, Carlão, Cláudia Pascoal, Dino D'Santiago, Fuga, Miguel Araújo, Os Quatro e Meia, Pedro Abrunhosa e Tatanka.

 Veña, animádevos! Entrade aquí, escoitade as músicas e votade! 

Publicacións populares deste blog

Preparando a I Festa da Linghua: Videomontaxe de fotografías

-
Imaxe
 Ola a todas e a todos! Este ano a COVID non nos vai deixar celebrar a Festa da Lingua que viñamos festexando todos este anos baixo a coordinación do "EDLG Terras do Umia". Mais iso non nos vai impedir facer unha pequena festa. A nosa festa.  Así que xa estamos a preparar todo para que, baixo o cumprimento dos protocolos da COVID, poidamos realizar unha festa segura e divertida. A I Festa da Linghua do noso centro.  Teremos unha xornada con actividades arredor da lingua que tamén servirán como homenaxe á poeta Xela Arias, a quen se lle dedican as Letras 2021. Estade atentas e atentos que xa estamos preparando todo desde todos os niveis de infantil, primaria e secundaria! E velaí a primeira información que enviamos para toda a comunidade educativa do centro! Tomade nota e participade! Estimados membros da comunidade educativa do CPI Afonso VII, poñémonos en contacto con vós co fin de solicitar a vosa colaboración na elaboración da videomontaxe “Unha vez, cun ratiño fun unive
Ler máis

Un mes cheo de letras

-
Imaxe
Aquí estamos de novo para compartir convosco o que vos tiñamos prometido! En primeiro lugar, o alumnado de 4º ESO estivo traballando arreo arredor da figura de Carvalho Calero, homenaxeado este ano. Velaquí as achegas de Cristina Senín Rojo (4º B), Fátima Gómez Louro (4º A) e Lúa Aragunde Abraldes (4º A). Ricardo Carvalho Calero. Unha pequena biografía. Ricardo Carvalho Calero, a quen se lle dedican as Letras Galegas 2020, naceu en Ferrol o 30 de outubro do 1910 e faleceu en Santiago o 25 de marzo do 1990. Foi un escritor e filólogo galego licenciado en dereito e en filosofía pola universidade de Santiago de Compostela e Doutor pola universidade de Madrid. Á parte de pertencer  á Real Academia Galega durante algúns anos, foi tamén membro da Academia das Ciencias de Lisboa e membro de honra da Associaçom Galega da Lingua. E non só, xa que tamén foi membro do Seminario de Estudos Galegos e do Partido Galeguista. Durante os seus anos dedicados á literatura escribiu dende po
Ler máis

Concurso "IV Chíos con amor"

-
Imaxe
 Pois si, acabou o 1º trimestre moi rápido e agora que xa estamos acabando xaneiro, convocamos unha nova edición do noso concurso Chíos con amor , con dúas categorías (unha para 5º e 6º de Primaria e outra para 1º e 2º da ESO). Deixámosvos por aquí as bases para que lles poidades ir botando un ollo, mais lembrade que tendes até o 9 de febreiro para ir enviándonos ao noso email (edlgafonsovii@gmail.com) os vosos chíos, que non poderán conter máis de 280 caracteres. Veña! Animádevos e lembrade: A partir da C andeloria, ningunha ave voa soa! 🐦🐦
Ler máis